Амир Темур таваллуди муносабати билан талабалар Самарқанддаги тарихий обидалар билан танишдилар

Каттақўрғон давлат педагогика институти талабалари йўналиш тюторлари бошчилигида 9-апрел –давлат арбоби, буюк саркарда, илм-фан ва маданият ҳомийси, Соҳибқирон Амир Темур таваллуд топган кун муносабати билан Самарқанд шаҳрига ташриф буюрдилар.
Ташриф давомида талабалар шаҳардаги тарихий обидалар, жумладан, Амир Темур мақбараси, Регистон майдони ҳамда бошқа диққатга сазовор масканлар билан яқиндан танишдилар.
Мазкур ташриф талаба-ёшларнинг бой тарихий меросимизга бўлган ҳурматини янада мустаҳкамлаш, уларнинг маънавий-маърифий дунёқарашини кенгайтириш ҳамда миллий қадриятларимизга садоқат руҳида тарбиялашда муҳим аҳамият касб этди.