Талабаларнинг малакавий амалиёт жараёнлари самарали ташкил этилмоқда

Аниқ ва табиий фанлар факултетининг 2-босқич математика, кимё ва биология йўналишлари ҳамда 3-босқич иқтисодиёт йўналиши талабалари учун амалиёт жараёнлари бошланганлиги ҳақида аввал хабар берилган эди.
Мазкур амалиёт доирасида 2-босқич биология йўналиши талабалари институтнинг ўқув-тажриба ҳамда дала-амалиёт майдонларида амалиёт раҳбари Д.Маликов бошчилигида амалий машғулотларни олиб бормоқда.
Иқтисодиёт йўналишининг 23-07 гуруҳ талабалари малакавий амалиёт жараёнида Каттақўрғон шаҳар ҳокимиятида ҳамда тижорат банкларида мижозларга хизмат кўрсатиш фаолиятида иштирок этиб, иқтисодиёт тармоқларидаги корхоналарда бухгалтерия ҳисобини юритиш жараёнларини ҳам амалий жиҳатдан ўрганмоқда.