Талабалар учун илмий-амалий семинар-тренинг бўлиб ўтди

Каттақўрғон давлат педагогика институтида кимё ва биология йўналиши талабалари учун семинар-тренинг ташкил этилди.
Мазкур семинар-тренингда Самарқанд давлат университети Биокимё институти директори Сирожиддин Ўроқов ҳамда институт директорининг ўқув ишлари бўйича ўринбосари Санжар Тиллаев иштирок этиб, талабаларга мазмунли маъруза қилди.
Семинар-тренинг давомида талабаларнинг билим ва кўникмаларини мустаҳкамлаш мақсадида савол-жавоблар ўтказилди.
Тадбир якунида иштирокчилар ўзларини қизиқтирган саволларга батафсил жавоблар олдилар ҳамда соҳа бўйича муҳим тавсияларга эга бўлдилар.