1-босқич талабалари малакавий амалиётга юборилди

Каттақўрғон давлат педагогика институтида Педагогика, Мактабгача таълим, Жисмоний маданият, Технологик таълим ҳамда Тасвирий санъат йўналишлари 1-босқич талабалари учун 2 ҳафталик малакавий амалиётга юбориш масаласига бағишланган конференсия бўлиб ўтди.
Мазкур амалиёт жараёнида талабалар Каттақўрғон шаҳридаги умумтаълим мактабларида ўз билим ва кўникмаларини мустаҳкамлайдилар.
Тадбир давомида Педагогика факултети декани А.Саидов ҳамда кафедра мудири Т.Эшқувватов талабаларга амалиёт жараёнини самарали ташкил этиш, ички тартиб-қоидаларга риоя қилиш ва йўриқномалар асосида фаолият олиб бориш юзасидан батафсил тушунтиришлар бердилар.