Ёшлар куни муносабати билан маънавий-маърифий саёҳат ташкил этилди

Каттақўрғон давлат педагогика институти талабалари учун Ёшлар куни муносабати билан маънавий-маърифий саёҳат ташкил этилди.
Мазкур саёҳат доирасида талабалар Имом ал-Бухорий мажмуасига ташриф буюриб, улуғ алломанинг бой илмий мероси, ҳаёти ҳамда ислом илм-фанининг ривожига қўшган беқиёс ҳиссаси ҳақида атрофлича маълумотларга эга бўлдилар.
Зиёрат жараёни талабаларда миллий ва диний қадриятларга ҳурмат, аждодлар меросига садоқат туйғуларини янада мустаҳкамлашга хизмат қилди.