“Мунозара” турнирининг институт босқичи ўтказилди

Каттақўрғон давлат педагогика институтида талабалар ўртасида “Мунозара” республика турнирининг институт босқичи юқори савияда ташкил этилиб, муваффақиятли ўтказилди.
Турнир давомида талабалар ўзларининг танқидий фикрлаш, нотиқлик маҳорати, жамоада ишлаш кўникмалари ҳамда долзарб мавзуларга асосли муносабат билдириш салоҳиятларини намоён этдилар.
Қизғин ва муросасиз баҳсларга бой тарзда ўтган мусобақа якунида энг кучли жамоалар саралаб олиниб, кейинги босқичда иштирок этиш учун йўлланмаларни қўлга киритдилар.
Тадбир якунида ғолиблар ҳамда фаол иштирокчилар муносиб рағбатлантирилди.