“Ёшлар куни” доирасида китобхонлик маданиятини оширишга бағишланган давра суҳбати ўтказилди

Каттақўрғон давлат педагогика институтида пайшанба – “Ёшлар куни” муносабати билан Филология ва ижтимоий фанлар факултети Хорижий тиллар кафедраси томонидан инглиз тили йўналиши 3-босқич талабалари иштирокида “Ёшлар ўртасида китобхонлик маданиятини ошириш” мавзусида давра суҳбати ташкил этилди.
Тадбир давомида Хорижий тиллар кафедраси мудири Н.Рузиева сўзга чиқиб, бугунги глобаллашув даврида китобнинг инсон маънавий камолотидаги ўрни беқиёс эканини алоҳида таъкидлади. Шунингдек, бўлажак инглиз тили мутахассислари учун жаҳон адабиёти намуналарини мутолаа қилиш нафақат уларнинг дунёқарашини кенгайтириши, балки касбий маҳоратини оширишда ҳам муҳим аҳамият касб этиши қайд этилди.