Спортчиларимизга омад тилаймиз!

Тошкент шаҳрида олий таълим муассасалари талабалари ўртасида ўтказилаётган “Янги Ўзбекистон талабалари олимпиадаси” доирасидаги комплекс спорт мусобақаларининг енгил атлетика бўйича финал босқичида Каттақўрғон давлат педагогика институти спортчилари муносиб иштирок этмоқда.
Мусобақаларда иштирок этаётган талабаларни қўллаб-қувватлаш мақсадида институт ректори Шерзод Ураков ҳам Тошкент шаҳрига борди ҳамда спортчилар билан учрашиб, уларга омад ва муваффақият тилади.
Спортчиларимизга мусобақаларда юқори натижалар, ёрқин ғалабалар ва улкан зафарлар тилаб қоламиз. Жамоамизга омад ҳамиша ёр бўлсин!