“Ректор кубоги” жамоавий ҳамжиҳатликни мустаҳкамлади

Каттақўрғон давлат педагогика институтида профессор-ўқитувчилар ва ходимлар ўртасида мини-футбол бўйича “Ректор кубоги” спорт мусобақалари бўлиб ўтди.
Мусобақада институтнинг турли бўлинмаларидан шакллантирилган жамоалар иштирок этиб, ўзаро куч синашди. Қизғин ва муросасиз кечган баҳсларда иштирокчилар спорт маҳорати, жамоавий ҳамжиҳатлик ва ғалабага бўлган интилишини намоён этди.
Спорт мусобақаси ходимлар ўртасида соғлом турмуш тарзини тарғиб қилиш, жамоавий ҳамкорликни мустаҳкамлаш ҳамда бўш вақтни мазмунли ташкил этишга хизмат қилмоқда.
“Ректор кубоги” доирасидаги мини-футбол баҳслари бугун ҳам давом этади. Мусобақа якунида ғолиб ва совриндор жамоалар муносиб тақдирланади.