“Шарқ алломаларининг илмий мероси” дарслиги нашр этилди
Мазкур дарсликда Шарқ илм-фани тараққиётининг асосий босқичлари, мусулмон Ренессанси даврининг тарихий моҳияти, илмий-маърифий марказларнинг шаклланиши ҳамда буюк Шарқ мутафаккирларининг жаҳон сивилизатсияси ривожига қўшган ҳиссаси изчил ва илмий асосда ёритилган.
Дарсликни тайёрлаш жараёнида тарихийлик, холислик, тизимлилик ва узвийлик тамойилларига амал қилинган. Унда Шарқ алломалари фаолияти нафақат тарихий шахслар фаолияти сифатида, балки жаҳон илм-фани тараққиётига муносиб ҳисса қўшган илмий тафаккур намояндаларининг мероси сифатида кенг таҳлил этилган.
Шунингдек, дарслик мазмуни мавжуд манбалар ҳамда сўнгги йилларда амалга оширилган илмий тадқиқотлар натижалари билан бойитилган. Унда фан бўйича замонавий ёндашув ва инноватсион усуллардан фойдаланилгани мазкур ўқув адабиётининг илмий-услубий аҳамиятини янада оширади.
“Шарқ алломаларининг илмий мероси” дарслиги Шарқ мутафаккирларининг бой илмий меросини чуқур ўрганиш, уларнинг жаҳон илм-фани ва сивилизатсияси ривожидаги ўрнини англаш ҳамда мазкур билимларни таълим жараёнида самарали қўллашга хизмат қилади.
