“YOSH КИТОБХОН” ТАНЛОВИНИНГ НАВБАТДАГИ БОСҚИЧ ҒОЛИБЛАРИ АНИҚЛАНДИ

Филология ва ижтимоий фанлар факултети Ўзбек тили ва гуманитар фанлар кафедраси ҳузуридаги “Нотиқлар клуби” томонидан талаба-ёшлар ўртасида ташкил этилган “Ёш китобхон” танловининг навбатдаги босқичи якунланди.

Бу галги танлов Ўткир Ҳошимовнинг “Баҳор қайтмайди” асари асосида ташкил этилди. Унда талабалар тест саволларига жавоб бериб, асар мазмуни юзасидан билим ва салоҳиятларини намоён этдилар.

Танлов натижаларига кўра, 25_15-гуруҳ талабаси Ҳалилова Дурдона, 25_15-гуруҳ талабаси Мурадуллаева Азиза ҳамда 26_04-гуруҳ талабаси Эркинова Шахзода 21 та саволга тўғри жавоб бериб, энг юқори натижани қайд этдилар.

Танлов якунида фаол иштирокчилар диплом ва эсдалик совғалари билан тақдирланади.

Навбатдаги босқич учун талабалар рус адабиётининг йирик намояндаси Фёдор Михайлович Достоевскийнинг “Жиноят ва жазо” романини мутолаа қилишлари лозим. “Ёш китобхон” танлови ҳар ҳафта жума куни ўтказилади. Мазкур лойиҳа талаба-ёшларнинг китобхонлик маданиятини юксалтириш, бадиий адабиётга бўлган қизиқишини ошириш ҳамда мутолаа орқали билим доирасини кенгайтиришга хизмат қилади.

Барча китобсевар талабаларни танловнинг навбатдаги босқичида фаол иштирок этишга чорлаймиз!