“Истибдоддан – истиқлолгача”: қатағон қурбонлари хотираси ёд этилди

Каттақўрғон давлат педагогика институтида “Истибдоддан – истиқлолгача: қатағон қурбонлари хотирасини абадийлаштириш” мавзусида маърифат дарси ўтказилди.

Дарс давомида талабаларга қатағон даврининг аянчли тарихи, халқимиз бошига тушган сиёсий тазйиқлар, шунингдек, қатағон йилларида ноҳақ таъқиб қилинган ва қатл этилган адиблар ҳаёти ҳамда ижоди ҳақида маълумот берилди.

Институт Рақамли технологиялар маркази бошлиғи Жавоҳир Ўтаев ҳамда Ўзбек тили ва гуманитар фанлар кафедраси ўқитувчиси Гулшод Эргашева мавзу юзасидан тушунча бериб, қатағон қурбонлари ҳаёти ва фаолияти, уларнинг халқимиз тарихи ва маънавий меросида тутган ўрни ҳақида сўз юритдилар.

Маърифат дарси талабаларнинг тарихий хотирасини мустаҳкамлаш, миллий қадриятларимизга ҳурмат ва истиқлолнинг қадрига етиш туйғуларини юксалтиришга хизмат қилди.