“Ректор кубоги”: мини-футбол ғолиблари аниқланди

Каттақўрғон давлат педагогика институтида талабалар ўртасида мини-футбол бўйича “Ректор кубоги” мусобақасининг институт босқичи бўлиб ўтди.

Муросасиз ва қизғин кечган баҳсларда факултет жамоалари ғолиблик учун ўзаро куч синашди. Мусобақа якунларига кўра, Педагогика факултети жамоаси 1-ўринни, Филология ва ижтимоий фанлар факултети жамоаси 2-ўринни, Аниқ ва табиий фанлар факултети жамоаси эса 3-ўринни эгаллади.

Мусобақа талаба-ёшлар ўртасида соғлом турмуш тарзини тарғиб қилиш, спортга бўлган қизиқишни ошириш ҳамда жамоавий ҳамкорликни мустаҳкамлашга хизмат қилди.